«Барселона» клуби асосий таркиб футболчиларидан бирини сотишга тайёр. Radio Marca нашрининг журналист Маттео Мореттога таяниб хабар беришича, «кўк-анорранглилар» ҳимоячи Жюль Кунде бўйича келиб тушадиган таклифларни кўриб чиқишга рози.
«Агар яхши таклиф тушса, "Барселона" уни рад этмайди. Кунде "дахлсиз" футболчилар сирасига кирмайди», — деди Моретто.
Transfermarkt портали мутахассислари Жюль Кунденинг трансфер қийматини 65 миллион еврога баҳоламоқда.
27 ёшли Кунденинг «Барселона» билан амалдаги шартномаси 2029/2030 йилги мавсум якунига қадар мўлжалланган.
Эслатиб ўтамиз, якшанба куни «Барселона» Ла Лига доирасида ўз майдонида «Райо Вальекано»ни қабул қилади.
