Boks bo‘yicha jahon chempioni, Olimpiya o‘yinlari kumush medali sohibi, bugungi kunda professional ringda faoliyat olib borayotgan charm qo‘lqop ustamiz Shahram G‘iyosov faoliyatidagi beshinchi jangini o‘tkazadi.
Hamyurtimiz 22 sentyabr kuni Buyuk Britaniyadagi «Uembli» stadionida ringga ko‘tariladi. O‘sha kuni unga nikaragualik Xulio Laguna raqiblik qiladi.
Ma’lumot uchun, Shahram shu kungacha prof boksda to‘rt marotaba ringga chiqib, ularning barchasida g‘alaba qozongan (3tasi nokaut). Laguna esa 14ta jang o‘tkazgan va ularning barchasida g‘olib bo‘lgan. 10ta jangni muddatidan oldin yakunlagan.
Milliy olimpiya qo‘mitasi ushbu jangda bokschimizga omad tilab qoladi.
