Бокс бўйича жаҳон чемпиони, Олимпия ўйинлари кумуш медали соҳиби, бугунги кунда профессионал рингда фаолият олиб бораётган чарм қўлқоп устамиз Шаҳрам Ғиёсов фаолиятидаги бешинчи жангини ўтказади.
Ҳамюртимиз 22 сентябрь куни Буюк Британиядаги «Уэмбли» стадионида рингга кўтарилади. Ўша куни унга никарагуалик Хулио Лагуна рақиблик қилади.
Маълумот учун, Шаҳрам шу кунгача проф боксда тўрт маротаба рингга чиқиб, уларнинг барчасида ғалаба қозонган (3таси нокаут). Лагуна эса 14та жанг ўтказган ва уларнинг барчасида ғолиб бўлган. 10та жангни муддатидан олдин якунлаган.
Миллий олимпия қўмитаси ушбу жангда боксчимизга омад тилаб қолади.
