Poytaxtimizda taekvondo WTF bo‘yicha Koreya Respublikasining O‘zbekistondagi elchisi kubogi uchun o‘tkazilgan musobaqa nihoyasiga yetdi. Turnirda Respublikamizning turli hududlaridan 350 nafarga yaqin o‘smir sportchi ishtirok etdi.
Taekvondo WTF assosiasiyasiga qarashli «Universal» sport majmuasida bo‘lib o‘tgan bahslar yakuniga ko‘ra, umumjamoa hisobida Toshkent shahri jamoasi birinchi bo‘ldi. Ikkinchi o‘rindan Farg‘ona viloyati sportchilari joy olgan bo‘lsalar, Toshkent viloyati taekvondochilariga uchinchi o‘rin nasib etdi.
Turnir yakunlangach, bir qancha yo‘nalishlar bo‘yicha eng yaxshilar aniqlandi:
Eng yaxshi murabbiy: S.Nazaraliyev
Eng yaxshi hakam: N.Kamchibekova
Eng yaxshi sportchi: (o‘g‘il bolalar): A.O‘ktamov
Eng yaxshi sportchi: (qizlar): R.SHarofiddinova.
