O‘zbekiston futbol assosiasiyasi tomonidan 5 ta yosh toifasidagi futbolchilar o‘rtasidagi O‘zbekiston chempionati tashkil etilgani haqida xabar bergan edik. 25 sentyabr kuni start olgan ushbu musobqaning 2 tur o‘yinlari bo‘lib o‘tdi.    Musobaqada respublikamizning barcha viloyatlaridan tashrif buyurgan 2002 yilda tug‘ilgan futbolchilar ishtirok etishmoqda. Musobaqaning 2 bosqich 2-turida quyidagi natijalar qayd etildi:   Andijon – Namangan 5:1                                                     Toshkent viloyati – Sirdaryo 0:2                                       Jizzax – Qashqadaryo 2:2                                             Navoiy – Buxoro 4:5 Farg‘ona – Toshkent shahri 0:4   Musobaqani O‘zbekiston U-17 terma jamoasi murabbiyi Otabek G‘ulomxo‘jayev boshchiligidagi murabbiy va seleksionerlar guruhi kuzatib borishmoqda.   Musobaqaning ikkinchi bosqichi ham O‘FA maydonlarida tashkillashtirilmoqda. Eslatib o‘tamiz, musobaqaning keyingi bosqichlari, 2003 yilda tug‘ilgan bolalar o‘rtasida 20-25 oktyabr, 2004 yilda tug‘ilgan bolalar o‘rtasida 8-13 oktyabr, 2005 yilda tug‘ilgan bolalar o‘rtasida esa 5-10 noyabr kunlari bo‘lib o‘tadi.