Amerikalik ishbilarmon, Microsoft kompaniyasining ta’sischilaridan biri Pol Allen "Chelsi" klubini sotib olishi mumkin, deya xabar beradi The Sun.
65 yoshli Allen sentyabr oyida Nyu-York shahrida futbol agenti Pini Zaxavi bilan "Chelsi"ni sotib olishni muhokama qilgan. Zaxavi "Chelsi" klubi xo‘jayini Roman ABramovichning yaqin do‘sti hisoblanadi.
Avvalroq, boyligi 21 mlrd funtdan oshiqroq bo‘lgan britaniyalik milliarder Jim Retklif "Chelsi"ni 2 mlrd funtga sotib olish taklifini bildirgan, ammo Abramovich rad javob bergani xabar qilingan edi. Rossiyalik ishbilarmon klubini 3 mlrd funtga sotmoqchi.