Америкалик ишбилармон, Microsoft компаниясининг таъсисчиларидан бири Пол Аллен "Челси" клубини сотиб олиши мумкин, дея хабар беради The Sun.
65 ёшли Аллен сентябрь ойида Нью-Йорк шаҳрида футбол агенти Пини Захави билан "Челси"ни сотиб олишни муҳокама қилган. Захави "Челси" клуби хўжайини Роман АБрамовичнинг яқин дўсти ҳисобланади.
Аввалроқ, бойлиги 21 млрд фунтдан ошиқроқ бўлган британиялик миллиардер Жим Рэтклиф "Челси"ни 2 млрд фунтга сотиб олиш таклифини билдирган, аммо Абрамович рад жавоб бергани хабар қилинган эди. Россиялик ишбилармон клубини 3 млрд фунтга сотмоқчи.