Kirish Ro'yxatdan o'tish
17/06 18:00 Ruminiya 3-0 Ukraina
17/06 20:00 Lokomotiv - Dinamo
17/06 20:00 Olimpik 0-1 OKMK
17/06 21:00 Belgiya 0-1 Slovakiya
17/06 23:59 Avstriya 0-1 Fransiya
18/06 21:00 Turkiya - Gruziya
18/06 23:59 Portugaliya - Chexiya

Andrey Kanchelskisni «Navbahor»ga Alisher Usmonov olib keldimi?

Andrey Kanchelskisni «Navbahor»ga Alisher Usmonov olib keldimi?

Baho:
+ | -

Namangan viloyat futbol assosiasiyasi vise-prezidenti Shamshod Ergashovich Sarikov Andrey Kanchelskisning Namanganga kelishi Alisher Usmonovga bog‘liq emasligini aytib o‘tdi.

Andrey Kanchelskisning “Navbahor”ga kelishida asli namanganlik bo‘lgan rossiyalik milliarder Alisher Usmonovning hissasi bormi?

- Bu barchani qiziqtirayotgan va o‘rinli savol bo‘ldi. Biz anchadan buyon Alisher Usmonov bilan muzokara olib boryapmiz. Ta’kidlaganingizdek, u asli namanganlik va o‘z tug‘ilib-o‘sgan shahrini yaxshi ko‘radi.

Ayni paytda Alisher Burxanovich bilan homiylik borasida muzokara olib boryapmiz. U Vatani - O‘zbekistonni juda sevadi va Alisher Usmonov buni Prezident Shavkat Mirziyeyov bilan uchrashuvi chog‘ida ham e’tirof etdi.

Alisher Burxanovichning “Navbahor”ga homiylik yordami berishi va klubimizga  e’tibor qaratishidan umidvormiz. Lekin Andrey Kanchelskisning “Navbahor” bosh murabbiyi lavozimini egallashida Alisher Usmonovning aloqasi yo‘q.  

“Navbahor”ga Andrey Kanchelskisni olib kelishdan oldin mahalliy mutaxassislarga ham taklif bilan chiqildimi?

Biz 3 nafar mahalliy kuchli mutaxassislar bilan muzokara olib bordik. Ularning kimligini o‘zinglar ham anglagan bo‘lsanglar kerak. Nomzodlar orasida Ravshan Haydarov va yaqindagina O‘zbekiston olimpiya terma jamoasini qabul qilib olgan Mirjalol Qosimovlar bor edi. Ammo biz jamoaga aynan Yevropa futboli havosini olib kirish uchun Andrey Kanchelskisni taklif etdik. 

“Paxtakor” ustozi Shota Arveladze Namangandagi “Markaziy” o‘yingoh maysasidan joriy mavsumdagi Namanganda o‘tkazilgan bahslardan keyingi matbuot anjumanida noligandi. Maydon holatini yaxshilash borasida qandaydir ishlarni amalga oshirish rejasi bormi?

Namanganda “Paxtakor”ga qarshi o‘tgan uchrashuvlardan so‘ng so‘ng poytaxtliklar ustozi Shota Arveladze maydon maysasi haqida salbiy fikrlar bildirgandi. Birinchi o‘yindan keyin maydon chimidan noligan mutaxassis, bir yarim oydan so‘ng yana Namanganga kelib, maydon holati haqida yana gapirdi.

Har qanday futbol mutaxassisi ham bir yarim oy ichida maysani a’lo darajada keltirish mumkin emasligini yaxshi biladi. Ya’ni qisqa vaqt oralig‘ida bu ishni qilish juda mushkul. Buning uchun hech bo‘lmaganda kamida olti oy yoki bir yil vaqt ketadi.

Bu haqda juda ko‘p bora bosh qotirdik. Ushbu masala bo‘yicha hozirda ayrim tashkilotlar bilan muzokara olib bormoqdamiz. Tez kunlarda Qarshidagi “Markaziy” o‘yingoh maydoni bilan shug‘ullangan mutaxassislar Namanganga yetib kelishadi. Ayni damda kelgusi yilning iyun oyi oxiriga qadar o‘yingoh chimini yaxshi holatga keltirishni o‘ylab turibmiz.

Rossiyada bo‘lib o‘tgan jahon chempionatida foydalanilgan maydon chimlaridan olib kelish rejalashtirilgan. Hozirda Kosonsoydagi stadion holatini ham o‘rganmoqdamiz va ish rejasini ishlab chiqqanmiz. Yaqin kunlarda bu masala ham o‘z yechimini topadi.

Alisher Uzoqovning jamoaga taklif etilishiga Odil Ahmedovning aloqasi bormi?

Yo‘q. Alisher Uzoqovning klubga piar direktor bo‘lishiga Odil Ahmedovning hech qanday aloqasi yo‘q. Alisherni men yaxshi bilaman. U bilan qadrdonmiz. Uzoqovning jamoamizga foydasi tegishiga ishonaman.

“Navbahor” PFK matbuot xizmati.

Manba: www.stadion.uz.
Kiritildi: 22:47, 07.10.2018.
O'qildi: 7059 marta.
Fikrlar: 2 ta.

Eng ko'p o'qilgan yangiliklar


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.