O‘smirlar Olimpiya o‘yinlarining kumush medali sohibi Ulug‘bek Rashitovning murabbiyi Pavel Xan muvaffaqiyatdan so‘ng o‘z fikrlari bilan o‘rtoqlashishdi

«Ulug‘bek 10 yildan buyon taekvondo bilan shug‘ullanadi. Biz o‘smirlar Olimpiadasiga qattiq tayyorgarlik ko‘rgandik. Bu jarayonida Milliy olimpiya qo‘mitasi, O‘zbekiston taekvondo WTF assosiasiyasida bizni qo‘llab-quvvatladi. Fursatdan foydalanib, ularga minnatdorchilik bildiraman.

Tayyorgarlik haqida gapiradigan bo‘lsam, vazn tashlash lozim bo‘lgani uchun bu bizga oson kechmadi.

Ulug‘bek o‘yinlarga lisenziyani 7 oy avval qo‘lga kiritgandi. Bu vaqt ichida uning bo‘yi 5 sm ga o‘sdi. Shu sababli ham qiyin bo‘ldi. Bunday saviyadagi musobaqalarda sovrindor bo‘lish uchun qattiq mehnat qilish lozim. Maqsad sari olg‘a intilish va albatta vatanparvar bo‘lish kerak».

Rashitovning ishtiroki tahlili

«Har bir musobaqadan so‘ng biz tahlil qilamiz. Bu safargi ishtirok haqida gapiradigan bo‘lsam, unda ruxiy tayyorgarlik bo‘yicha kamchiliklar ko‘zga tashlandi. Ulug‘bek ko‘proq musobaqalarda ishtirok etib, o‘ziga bo‘lgan ishonchni oshirishi lozim».