Checheniston prezidenti Ramzon Qodirovning ma’lum qilishicha, Ahmad Hoji Qodirov nomidagi jamg‘arma Mutlaq jangchilar chempionati (UFC) chempioni Habib Nurmagomedovga irlandiyalik Konor Makgregor ustidan g‘alaba qozongani munosabati bilan mashina sovg‘a qildi.
Shuningdek, siyosatchining o‘z telegram-kanalida qo‘shimcha qilishicha, Grozniy hokimi Ibrohim Zakriyev jangchiga “Grozniy shahrining faxriy fuqarosi” unvonini berdi.
Rossiyalik jangchining otasi va murabbiysi Abdulmannop Nurmagomedovga “Checheniston Respublikasida xizmat ko‘rsatgan jismoniy tarbiya sohasi xodimi” unvoni berildi.