Kecha baydarka va kanoeda eshkak eshish bo‘yicha sportchimiz Islomjon Abdusalomov finalgacha yetib borib, kumush medal sohibiga aylandi. Taqdirlash marosimidan so‘ng Islomjon o‘z taassurotlari bilan o‘rtoqlashdi.
"Alamli mag‘lubiyat. Ammo, sovrindorlar qatoriga kira olganimdan xursandman. Birinchi navbatda, ota-onam, murabbiylarimga qo‘llab-quvvatlaganliklari uchun minnatdorchilik bildiraman. O‘zbekiston terma jamoasi hisobiga kumush medal qo‘shib qo‘ydim va muxlislarimizni xursand qildim.
Rejalarim katta. Endi o‘z mahoratimni yanada toblab, kattalar o‘rtasidagi Olimpiya o‘yinlari chempioni bo‘lmoqchiman", – dedi Islomjon.