“Yuventus” hujumchisi Krishtianu Ronaldu amerikalik model Ketrin Mayorgani zo‘rlashda ayblanayotgani haqidagi savollarga javob qaytardi.

“Men maydonda va undan tashqari, juda ko‘p kishiga o‘rnak ekanligimni yaxshi bilaman. Shuning uchun doim kulib yuraman. Menda hammasi yetarli va ajoyib jamoada o‘ynayapman. Oilamdagilar ham yaxshi insonlar, qisqasi men baxtliman.

Biz ikki hafta avval ariza yozganmiz. Albatta, men bu holatga to‘liq vaqtimni sarflamoqchi emasman. Mening advokatlarim bunday bo‘lmaganiga ishonishadi va men ham ular bilan birgaman. Eng muhimi men futboldan zavqlanaman, hayotdan zavqlanaman. Chunki bu hayotda haqiqat doim g‘alaba qozongan”, – deydi Ronaldu.