Kataloniyaning “Barselona” klubi darvozaboni Mark-Andre Ter Shtegen “Inter”ga qarshi o‘yindan oldin fikrlarini bildirib o‘tdi.
“Har mavsum boshlanishidan oldin o‘z oldimizga yuqori maqsadlarni qo‘yamiz. O‘tgan yil ro‘y berishi mumkin bo‘lmagan hodisa ro‘y berdi, Rimda mag‘lub bo‘ldik. Xatolarimiz qayta ko‘rib chiqishimiz lozim.
Chempionlar ligasi juda qiyin musobaqa. Biz avvalgidek barcha musobaqalarda g‘alaba qozonishni istaymiz. Messining yo‘qligi? U jamoaning asosiy futbolchisi, uning o‘rnini hech kim bosa olmaydi. Lekin, biz u siz o‘ynashga ko‘nikyapmiz”, - deydi germaniyalik posbon.
