«Manchester Yunayted» klubi sobiq himoyachisi Gari Nevill Angliya chempionatida qaysi jamoa chempion bo‘lishini istamasligini aytib o‘tdi.

«Angliya chempionatida g‘olib chiqishini istamaydigan klublarim — «Manchester Siti» va «Liverpul». «Liverpul» ushbu mavsumda chempion bo‘lishi mumkin, bu esa «MYU» muxlislarini xavotirga solmay qo‘ymaydi. Ular orasidan bittasini tanlash kerak bo‘lsa, keling, «Manchester Siti» chempion bo‘la qolsin. Hozirda «Liverpul» haqiqatan ham xavfli ko‘rinishmoqda. Ular g‘oliblikka yaqin turishibdi. Bu esa jiddiy xavf.

Bu «Manchester Yunayted» uchun katta muammo bo‘lishi kerak. Ular Angliya futboli tarixidagi eng omadli ikki jamoa. Bu esa "MYU" har bir a’zosini g‘oliblik uchun kurashga ruhlantirishi kerak», – dedi Nevill.