O‘zbekiston kubogi-2018 final uchrashuvida AGMK va “Paxtakor” jamoalari qarama-qarshiligiga guvoh bo‘lamiz.
Har ikki jamoa ham hal qiluvchi bellashuvga tayyorgarlik jarayonini davom ettirmoqda. AGMK jamoasi mohir yarim himoyachilaridan biri Muzaffar Muzaffarov final oldidan o‘z fikr-mulohazalarini bildirib o‘tdi:
- O‘zbekiston kubogi finali – juda muhim uchrashuv. Finalga chiqish uchun bir qator jamoalar qarshiligini yenggishga to‘g‘ri keldi. Endi finalda ham o‘z xarakterimizni namoyish etishimiz talab etiladi.
Men faoliyatim davomida ilk marta final o‘yinida maydonga tushish imkoniyatiga ega bo‘lyapman. Bundan juda mamnunman. Butun jamoamiz final bahsida chiroyli o‘yin namoyish etib, Osiyo Chempionlar ligasida qatnashish imkoniyatini qo‘lga kiritishni maqsad qilmoqda.
Maydonda o‘z mahoratimizni ko‘rsatib, ishqibozlarimizga chiroyli g‘alaba taqdim etishga urinamiz, - dedi futbolchi o‘yin oldidan.
Ta’kidlash joiz, O‘zbekiston kubogi-2018 final uchrashuvi Farg‘onadagi “Istiqlol” stadionida bo‘lib o‘tadi. O‘yin 28 oktyabr kuni soat 15:00da boshlanadi.
