"Yuventus" bosh murabbiyi Massimiliano Allegri Italiya chempionatining 10-turida "Empoli" ustidan qozonilgan g‘alabani (2:1) sharhladi.

"13 o‘yindan 12tasida g‘alaba qozongan jamoada charchoq alomatlari ko‘zga tashlanishi tayin.

Biz juda yaxshi boshladik, keyin tempni tushirib yubordik, "Emploi" futbolchilari bizni bir necha marta qarshi huumda ushladilar. Ularning markziy hujumchisi va boshqa futbolchilari bizga muammo tug‘dirishi mumkin edi.

Ikkinchi bo‘limni yaxshi o‘tkazdik, chunki raqib o‘yinchilar charchab qolishdi.

Bu qanday o‘yin ko‘rsatganimizdan qat’iy nazar g‘alaba qozonishimiz shart bo‘lgan o‘yin edi. Ammo "Empoli"ga tan berish kerak.

Dibala yaxshi o‘ynadi, ayniqsa, ikkinchi bo‘limda. U ajoyib o‘yinchi, o‘yindan o‘yinga ochilib bormoqda.

Ronalduning goli - bu bolalarga ko‘rsatish kerak bo‘lgan narsa. Uni takrorlab ko‘rsinlar", - deydi Allegri.