"Metallurg"ga qarshi o‘yinda "Lokomotiv" tarkibida eng yaxshi futbolchi sifatida e’tirof etilgan Oleg Zoteev ham o‘z fikrlarini bildirdi.
- O‘yin oldidan biz raqib shunday qarshilik ko‘rsatishini bilgandik, shu boisdan mas’uliyatni oshirdik. Shukurki, g‘alabaga erishdik. 90 daqiqa davomida hujum qildik va shu boisdan ham g‘alabaga loyiq edik.
Raqib jamoa darvozabonini alohida e’tirof etgan bo‘lardim. U bir necha o‘yinlardan buyon o‘zini yaxshi tomondan ko‘rsatmoqda.
"Lokomotiv" muxlislarini g‘alaba bilan tabriklayman. Keyingi o‘yinlarda ham g‘alaba qozonib, turnir jadvalidagi o‘rnimizni saqlab qolishga harakat qilamiz.
