Angliya chempionatining 11-turi doirasida "Tottenxem" safarda "Vulverxempton" mehmoni bo‘lib, o‘z hisobiga 3 ochkoni yozib qo‘ydi.

"Shporlar" dastlabki bir soat davomida "bo‘rilar"ni "nokdaun"ga uchratishdi. Birinchi bo‘limda Lamela va Lukas Moura, ikkinchi taymda esa Xarri Keyn mezbonlar darvozasini ishg‘ol qilishdi.

Qolgan daqiqalarda Pochettino shogirdlari biroz xotirjamlikka berilishdi shekilli, mezbonlar ikkita gol urishga muvaffaq bo‘lishdi. Ammo "Vulverxempton"ga hisobni tenglashtirish nasib etmadi.

Ushbu g‘alabadan keyin "Tottenxem" o‘z ochkolarini 24taga yetkazgan holda, jadvalda 4-o‘ringa ko‘tarilib oldi.

APL, 11-tur
Vulverxempton – Tottenxem 2:3 (0:2, 2:1)
Gollar: 0:1 – 27 Lamela, 0:2 – 30 Lukas Moura, 0:3 – 61 Keyn, 1:3 – 68, penalti Ruben Nevesh, 2:3 – 79, penalti Ximenes.
Vulverxempton – Ruy Patrisiu, Bennett, Koudi, Boli, Doerti, Moutinyu (Gibbs-Uayt, 62), Ruben Nevesh, Kastro, Elder Koshta (Traore, 84), Ximenes, Kavaleyru (Leo Bonatini, 62).
Tottenxem – Lyoris, Trippyer, Foyt, Alderveyreld, Devis, Uinks, Dembele (Son Xin Min, 7; Eriksen, 59), Sissoko, Lamela, Lukas Moura (Sanches, 79), Keyn.
Ogohlantirishlar: Bennett (24), Foyt (78), Uinks (87).