O‘zbekiston Superligasining 29-turi markaziy bellashuvi “Milliy” o‘yingohida bo‘lib o‘tadi.

Unda O‘zbekistonning 2 karra chempioni – Toshkentning “Lokomotiv” jamoasi “Bunyodkor” klubi mehmoni bo‘ladi.  O‘yin soat 18:00da start oladi.

Shu o‘rinda ushbu ikki jamoaning o‘zaro uchrashuvlari tarixiga e’tibor qaratadigan bo‘lsak, “Lokomotiv” shu paytga qadar “Bunyodkor”ga qarshi 23ta bahs o‘tkazgan.  O‘zaro o‘yinlarda tenglik. Ikki tomon ham 9tadan g‘alabaga erishishgan. Yana 5ta o‘yin durang bilan nihoyasiga yetgan.

“Loko” futbolchilari ushbu raqib darvozasini hozirgacha 29 marta ishg‘ol etishga muvaffaq bo‘lishgan.  Darvozamizdan esa 31 bor to‘p o‘tkazib yuborganmiz.

“Lokomotiv”ning “Bunyodkor” ustidan qozongan eng yirik hisobdagi g‘alabasi 2015 yilgi mavsum birinchi davrasida qayd etilgan – 3:0.

"Lokomotiv" bu mavsumda "Bunyodkor"ga qarshi uch o‘yinning barchasida g‘alabaga erishdi. O‘tgan bosqichning birinchi davrasida "Milliy" stadionida o‘tgan o‘yin 1:2 hisobida yakunlangan bo‘lsa, "Lokomotiv" stadionidagi o‘yin 3:1 hisobi qayd etilgan. Ikkinchi bosqichdagi ilk o‘zaro o‘yinda esa "Lokomotiv" 2:1 hisobida g‘alabaga erishgandi.