Ўзбекистон Суперлигасининг 29-тури марказий беллашуви “Миллий” ўйингоҳида бўлиб ўтади.
Унда Ўзбекистоннинг 2 карра чемпиони – Тошкентнинг “Локомотив” жамоаси “Бунёдкор” клуби меҳмони бўлади. Ўйин соат 18:00да старт олади.
Шу ўринда ушбу икки жамоанинг ўзаро учрашувлари тарихига эътибор қаратадиган бўлсак, “Локомотив” шу пайтга қадар “Бунёдкор”га қарши 23та баҳс ўтказган. Ўзаро ўйинларда тенглик. Икки томон ҳам 9тадан ғалабага эришишган. Яна 5та ўйин дуранг билан ниҳоясига етган.
“Локо” футболчилари ушбу рақиб дарвозасини ҳозиргача 29 марта ишғол этишга муваффақ бўлишган. Дарвозамиздан эса 31 бор тўп ўтказиб юборганмиз.
“Локомотив”нинг “Бунёдкор” устидан қозонган энг йирик ҳисобдаги ғалабаси 2015 йилги мавсум биринчи даврасида қайд этилган – 3:0.
"Локомотив" бу мавсумда "Бунёдкор"га қарши уч ўйиннинг барчасида ғалабага эришди. Ўтган босқичнинг биринчи даврасида "Миллий" стадионида ўтган ўйин 1:2 ҳисобида якунланган бўлса, "Локомотив" стадионидаги ўйин 3:1 ҳисоби қайд этилган. Иккинчи босқичдаги илк ўзаро ўйинда эса "Локомотив" 2:1 ҳисобида ғалабага эришганди.
