O‘zbekiston Superligasi 29-turidan o‘rin olgan “Buxoro” va “Paxtakor” o‘yini bo‘lib o‘tdi. Mazkur bahsda mehmonlar yirik 6:2 hisobida g‘alaba qozondi. O‘yindan so‘ng “Paxtakor” bosh murabbiyi Shota Arveladze o‘yin haqida fikr bildirdi.

“Biz mezbonlarni har tomonlama dog‘da qoldirdik, hujumda ham, yarim himoyada ham. O‘ylaganlarimizni amalga oshirdik. Faqat ikki to‘p o‘tkazib yuborganimiz achinarli bo‘ldi. Chiroyli hujumlar tashkil qildik va ulardan foydalandik.

Jamoaga oldingi o‘yinlarda biroz sportcha jahldorlik yetishmagandi. Bugun ham gollarni oson o‘tkazib yubordik. Mezbon jamoa ishqibozlari mag‘lubiyatga qaramay, jamoalarini olqishlashdi. O‘ylashimcha, biz ham bunga munosib bo‘ldik”, deydi Arveladze.