Ўзбекистон Суперлигаси 29-туридан ўрин олган “Бухоро” ва “Пахтакор” ўйини бўлиб ўтди. Мазкур баҳсда меҳмонлар йирик 6:2 ҳисобида ғалаба қозонди. Ўйиндан сўнг “Пахтакор” бош мураббийи Шота Арвеладзе ўйин ҳақида фикр билдирди.
“Биз мезбонларни ҳар томонлама доғда қолдирдик, ҳужумда ҳам, ярим ҳимояда ҳам. Ўйлаганларимизни амалга оширдик. Фақат икки тўп ўтказиб юборганимиз ачинарли бўлди. Чиройли ҳужумлар ташкил қилдик ва улардан фойдаландик.
Жамоага олдинги ўйинларда бироз спортча жаҳлдорлик етишмаганди. Бугун ҳам голларни осон ўтказиб юбордик. Мезбон жамоа ишқибозлари мағлубиятга қарамай, жамоаларини олқишлашди. Ўйлашимча, биз ҳам бунга муносиб бўлдик”, дейди Арвеладзе.
