Yevropa chempionlar ligasining "V" guruhida ishtirok etayotgan "Tottenxem" 4-turga kelib o‘zining dastlabki g‘alabasini qo‘lga kiritdi. Pochettino shogirdlari o‘z uylarida Gollandiyaning "PSV" klubiga qarshi o‘yinda o‘ta qiyin g‘alabaga erishishdi.

Uchrashuvning 2-daqiqasidayoq de yong gollandiyaliklarni hisobda oldinga olib chiqdi. Faqatgina o‘yinning 78-daqiqasida Xarri Keyn hisobni tenglashtirgan bo‘lsa, bahs tugashiga 1 daqiqa qolganida uning o‘zi "shporlar"ga g‘alaba keltiruvchi gol muallifiga aylandi.

Ushbu g‘alabadan keyin "Tottenxem" o‘z ochkolarini 4taga yetkazib, pley-offga chiqish uchun imkoniyat hosil qildi. Jamoa 2-o‘rindagi "Inter"dan 3 ochko ortda qolmoqda.

YECHL, "V" guruhi. 4-tur
Tottenxem Angliya – PSV Gollandiya 2:1 (0:1, 2:0)
Gollar: 0:1 – 2 de Yong, 1:1 – 78 Keyn, 2:1 – 89 Keyn.
Tottenxem – Gassaniga, Orye (Trippyer, 75), Sanches, Alderveyreld, Devis, Uinks, Eriksen, Lukas Moura (Lamela, 62), Alli, Son Xeung Min (Lyorente, 75), Keyn.
PSV – Zut, Dumfris, Shvaab, Virgever, Tasende, Rosario, Xendriks, Losano, Pereyro (Malen, 73), Bergveyn (Gutyerres, 86), de Yong (Seynsberi, 81).
Ogohlantirishlar: Losano (38), Son Xeung Min (63), Shvaab (90), Trippyer (90).