"Manchester Yunayted" bosh murabbiyi Joze Mourinyo YECHLda "Yuventus"ga qarshi o‘yindan so‘ng (2:1) fikrlarini bildirdi.
"Bu yaxshi top o‘yin bo‘ldi. Biz yuqori saviyada o‘ynadik. Goldan so‘ng o‘zimizga kelib olish uchun 5 daqiqa kerak bo‘ldi, ammo jamoa oxirigacha o‘ynadi.
Bu ajoyib italyan kechasida nimadir qildim (Mourinyo qo‘lini qulog‘iga qo‘yib, tribunalarga qaradi). Bilaman bu g‘alabadan millionlab odamlar shod bo‘ldi. Ammo "Yuventus" va ularning saviyasini hurmat qilaman. O‘z yigitlarim bilan faxrlanaman, chunki ular qo‘llaridan kelganini qilishdi.
"Yuventus"da fenomenal o‘yinchilar bor. Ronalduning goli chiroyli bo‘ldi, to‘pni esa markaziy himoyachi (Bonuchchi) oshirdi. Bu o‘z uyida ajoyib o‘yin ko‘rsatadigan fantastik jamoa.
Uyimizda bir o‘yinimiz qoldi - "Yang Boyz"ga qarshi. Agar to‘g‘ri hisoblagan bo‘lsam, biz pley-offga chiqamiz (agar "Valensiya" "Yuventus"ni yutib qo‘ymasa).
Bugun bizni ajoyib kuzatishdi, Italiya polisiyasiga rahmat.Umid qilamanki, biz uch ochko olamiz", - deydi Mourinyo.
