"Манчестер Юнайтед" бош мураббийи Жозе Моуриньо ЕЧЛда "Ювентус"га қарши ўйиндан сўнг (2:1) фикрларини билдирди.

"Бу яхши топ ўйин бўлди. Биз юқори савияда ўйнадик. Голдан сўнг ўзимизга келиб олиш учун 5 дақиқа керак бўлди, аммо жамоа охиригача ўйнади.

Бу ажойиб итальян кечасида нимадир қилдим (Моуриньо қўлини қулоғига қўйиб, трибуналарга қаради). Биламан бу ғалабадан миллионлаб одамлар шод бўлди. Аммо "Ювентус" ва уларнинг савиясини ҳурмат қиламан. Ўз йигитларим билан фахрланаман, чунки улар қўлларидан келганини қилишди.

"Ювентус"да феноменал ўйинчилар бор. Роналдунинг голи чиройли бўлди, тўпни эса марказий ҳимоячи (Бонуччи) оширди. Бу ўз уйида ажойиб ўйин кўрсатадиган фантастик жамоа.

Уйимизда бир ўйинимиз қолди - "Янг Бойз"га қарши. Агар тўғри ҳисоблаган бўлсам, биз плей-оффга чиқамиз (агар "Валенсия" "Ювентус"ни ютиб қўймаса).

Бугун бизни ажойиб кузатишди, Италия полициясига раҳмат.Умид қиламанки, биз уч очко оламиз", - дейди Моуриньо.