10-11 noyabr kunlari Portugaliyaning Sangalos shahrida badiiy gimnastika bo‘yicha «Atlantic cup» xalkaro turniri bo‘lib o‘tmoqda. Ushbu musobaqada jahonning 10 ta mamlakatidan tashrif buyurgan yosh gimnastikachi qizlar ishtirok etishmoqda.
Turnirda yurtimiz sharafini Osiyo Tojiyeva va Gulchehra Sobirovalar himoya qilishdi. 2013 yilda tavallud topgan sportchilar o‘rtasidagi bahslarda ishtirok etgan Osiyo Tojiyeva oltin medalni qo‘lga kiritdi. Gulchehra Sobirova esa halqa bilan mashqlarda oltin, anjomsiz mashqlarda bronza medaliga sazovor bo‘ldi. So‘ngra, qizlarimiz 2011 va undan keyin tug‘ilgan sportchilar o‘rtasidagi bahslarda ishtirok etib, ko‘pkurash bo‘yicha bronza medallariga ega chiqdilar.
Shuningdek, musobaqa doirasida O‘zbekistonda xizmat ko‘rsatgan murabbiy Zarrina Abdullayeva rossiyalik tajribali hamkasbi Nelya Muravyeva bilan birgalikda xalqaro o‘quv-mashg‘ulot yig‘inlarida ishtirok etish uchun taklif qilingan.
