“Reding” himoyachisi Kris Ganter seshanba kuni Uels terma jamoasida o‘zining 93-uchrashuvini o‘tkazadi.
Kris mazkur uchrashuvga yaqinlarini olib kelish uchun Garet Beyldan shaxsiy samolyotini so‘rashini ma’lum qildi.
“Garetdan shaxsiy samolyotingdan foydalanib tursa bo‘ladimi deb so‘rayman. U yerga borish oson emas lekin uelslik muxlislar yo‘lni topib borishadi. Ushbu o‘yinga oila a’zolarimni olib kelishga harakat qilaman. Agar borisholmasa hechqisi yo‘q, har doimgidek televizor orqali tomosha qilishadi”, - deydi Ganter.
29 yoshli futbochli mazkur rekordni sobiq darvozabon Nevill Sautoll bilan bo‘lishib turibdi (92 ta o‘yin).
Ma’lumot uchun, Rayan Giggz qo‘l ostidagi jamoa 20 noyabr kuni Albaniyaga qarshi o‘rtoqlik uchrashuvini o‘tkazadi.
