“Рединг” ҳимоячиси Крис Гантер сешанба куни Уэльс терма жамоасида ўзининг 93-учрашувини ўтказади.

Крис мазкур учрашувга яқинларини олиб келиш учун Гарет Бэйлдан шахсий самолётини сўрашини маълум қилди.

“Гаретдан шахсий самолётингдан фойдаланиб турса бўладими деб сўрайман. У ерга бориш осон эмас лекин уэльслик мухлислар йўлни топиб боришади. Ушбу ўйинга оила аъзоларимни олиб келишга ҳаракат қиламан. Агар боришолмаса ҳечқиси йўқ, ҳар доимгидек телевизор орқали томоша қилишади”, - дейди Гантер.

29 ёшли футбочли мазкур рекордни собиқ дарвозабон Невилл Саутолл билан бўлишиб турибди (92 та ўйин).

Маълумот учун, Райан Гиггз қўл остидаги жамоа 20 ноябрь  куни Албанияга қарши ўртоқлик учрашувини ўтказади.