«Barselona» klubi «PSJ» hujumchisi Neymarni ortga qaytarish bo‘yicha ishlarni boshlab yubordi.

Goal nashri tarqatgan xabarga ko‘ra, braziliyalik futbolchi o‘z jamoasini tark etishni istamoqda. 26 yoshli futbolchining agenti "Barsa"ning bir necha nafar direktorlari bilan suhbatlashib, transferni qay tariqa amalga oshirish bo‘yicha maslahatlashishdi.

«Barselona» rahbariyatining fikricha, «ko‘k-anorranglilar» «PSJ» bilan mojaroga bormaslik uchun Neymarning o‘zi klubni tark etish niyati borligini ochiq aytishi kerak.

Braziliyalik hujumchi 2013-2017 yilllarda kataloniyaliklar sharafini himoya qilib, o‘tgan yilning yozida 222 million yevro evaziga «PSJ» safiga o‘tib ketgandi.