Olimpiya o‘yinlari va jahon chempionati sovrindori Murodjon Ahmadaliyev professional boksdagi beshinchi jangini bugun ertalab AQSHda o‘tkazadi.
Atlantik Sitidagi «Hard Rock Hotel & Casino» arenasida o‘tkaziladigan jangda Murodjonga amerikalik charm qo‘lqop ustasi Isak Zarate raqiblik qiladi. Ushbu jangda bokschimiz o‘zining WBAInter-Continental kamarini himoya qiladi.
Ahmadaliyev bugun muhim jang oldidan vazn o‘lchash marosimida taroziga chiqdi.
Ma’lumot uchun, Murodjon Ahmadaliyev professional ringdagi faoliyati davomida 4 marotaba ringga chiqib, ularning barchasida g‘alaba qozongan. G‘alabalarning 3 tasini nokaut evaziga qo‘lga kiritgan.Zarate esa 22 ta jang o‘tkazib, 16 ta g‘alabaga erishgan. 3 ta jangda mag‘lub bo‘lgan. Yana 3 ta jangda esa durang qayd etgan.
