«Barselona» himoyachisi Jerar Pike bugun sud oldida javob berdi. Futbolchi haydovchilik guvohnomasida yetarli ballga ega bo‘lmasdan turib mashina boshqargan.

Gap shundaki, Ispaniyada haydovchilik guvohnomalari uchun ball tizimi joriy qilingan bo‘lib, har qanday qoidabuzarlik uchun ball ayirib tashlanadi. Ma’lum me’yordan ballari kamayib ketgan haydovchilar 6 oyga haydovchilik guvohnomasidan mahrum qilinadi. Guvohnomani qaytarib olish uchun yo‘l harakat qoidalari kursini boshqatdan o‘qiydilar.

Jerar Pike sud qaroriga ko‘ra 48 ming yevro miqdorida jarima to‘laydigan bo‘ldi.

2015 yilning mart oyida 31 yoshli o‘yinchi polisiya xodimlari bilan tortishgani uchun 10,5 ming yevro miqdorida jarimaga tortilgandi.