Xabaringiz bor, bir necha kun oldin Turkiyaning Konya shahrida o‘smirlar o‘rtasida Butunjahon shaxmat Olimpiadasi bo‘lib o‘tdi. Ushbu nufuzli musobaqada o‘zbekistonlik yosh aql-idrok sohiblari o‘zbek shaxmati tarixida ilk marotaba birinchi o‘rinni qo‘lga kiritdilar.
Bugun, 6 dekabr kuni Butunjahon shaxmat Olimpiadasi qahramonlarini taqdirlash marosimi bo‘lib o‘tadi. Marosimda yosh shaxmatchilarimizga O‘zbekiston Respublikasi Prezidenti sovg‘alari taqdim etiladi.
Tadbir Shaxmat bo‘yicha Respublika ixtisoslashtirilgan bolalar-o‘smirlar sport maktabida, soat 15:30 da boshlanadi.
