"Inter" bosh murabbiyi Luchano Spalletti A seriyaning 15-turida "Yuventus"dan uchralgan mag‘lubiyatga sharh berdi.

"Raqib ma’lum vaqtda bosim uyushtirishi nazarda tutgan holda ma’lum manera va bir xil kayfiyatda o‘ynashimiz lozim edi. Ba’zi hollarda "Yuve"ning o‘yinini o‘qiy olmagan bo‘lsakda, buni yaxshi bajardik.

Albatta, kimdir hisobda oldinga chiqib olsa, bu vazifani o‘zgartirib yuboradi, ammo biz juda ko‘p xatolarga yo‘l qo‘ydik. Bir vaziyatda ularning himoyasini yorib o‘tdik, ammo hujumchilarga to‘p yetkazib bera olmadik.

O‘zi o‘ta sust yuguradigan, ammo juda ko‘p gapiradigan va jamoa bilan hamohang harakat qilmaydigan o‘yinchi doim topiladi. Umuman olganda zo‘r o‘ynadik, o‘z vaqtida ortga qaytib, yaxshi himoyalana olganimiz - yaxshilikdan darak.

Afsuski, "Yuventus" aqlli harakat qildi. Ular qoida buzilganidan so‘ng besh daqiqani o‘tkazishni biladilar", - deydi Spaletti.