"Интер" бош мураббийи Лучано Спаллетти А сериянинг 15-турида "Ювентус"дан учралган мағлубиятга шарҳ берди.
"Рақиб маълум вақтда босим уюштириши назарда тутган ҳолда маълум манера ва бир хил кайфиятда ўйнашимиз лозим эди. Баъзи ҳолларда "Юве"нинг ўйинини ўқий олмаган бўлсакда, буни яхши бажардик.
Албатта, кимдир ҳисобда олдинга чиқиб олса, бу вазифани ўзгартириб юборади, аммо биз жуда кўп хатоларга йўл қўйдик. Бир вазиятда уларнинг ҳимоясини ёриб ўтдик, аммо ҳужумчиларга тўп етказиб бера олмадик.
Ўзи ўта суст югурадиган, аммо жуда кўп гапирадиган ва жамоа билан ҳамоҳанг ҳаракат қилмайдиган ўйинчи доим топилади. Умуман олганда зўр ўйнадик, ўз вақтида ортга қайтиб, яхши ҳимоялана олганимиз - яхшиликдан дарак.
Афсуски, "Ювентус" ақлли ҳаракат қилди. Улар қоида бузилганидан сўнг беш дақиқани ўтказишни биладилар", - дейди Спалетти.
