«Liverpul» bosh murabbiyi Yurgen Klopp Yevropa chempionlar ligasi doirasida «Napoli»ga qarshi bo‘lib o‘tgan o‘yin (1:0) borasida o‘z fikrlarini bildirib o‘tdi.

«Saloh ajoyib gol urdi, Alison esa aqlbovar qilmas seyv namoyish qildi. Bu ishni qanday qilib amalga oshirganini tasavvurimga sig‘dira olmayman. Biz yana gol urishimiz mumkin edi, ammo Sadyo Maneda yuzaga kelgan vaziyat jadvaldagi holatimizga hech qanday ta’sir ko‘rsatmas edi. Keskin o‘yin bo‘ldi. Ko‘plab qarshi hujumlar uyushtirildi. Lekin biz bunga tayyor edik.

Ehtimol, UYEFAdagilar musobaqa «Liverpul»siz davom etadi, deb o‘ylashgandir, ammo bu safar emas. Agar chempionlar ligasidan chiqib ketishimiz kerak bo‘lsa, bu hodisa Neapoldagi o‘yindan keyin ro‘y berishi kerak edi. O‘shanda biz mag‘lubiyatga loyiq edik, ammo bugun g‘alabaga munosib bo‘ldik», – dedi Klopp.