«Manchester Yunayted» bosh murabbiyi Joze Muorinyo Angliya chempionatining dastlabki 16ta turi bo‘yicha o‘z fikrlarini bildirib o‘tdi.

«Menga murabbiylik ishi har doimgidan ko‘ra ko‘proq yoqmoqda. Boisi, u yanada qiyinlashdi. Bizning ushbu mavsumdagi ishtirokimiz kutilganidek bo‘ldi. Yozdayoq mavsum qiyin bo‘lishini tushunib yetgandim. O‘tgan mavsumda ikkinchi o‘rinni egallaganimizni fantastika deb atash mumkin.

Yangi mavsumda yanada yaxshiroq o‘ynashimizni odamlar kutishgandi. Ya’ni, bizning birinchi o‘ringa ko‘tarilishimizni taxmin qilishgandi. Ammo o‘tgan yili bizdan pastki o‘rinni egallagan jamoalar ushbu mavsumda tarkibni kuchaytirishdi», – dedi Mourinyo.

«MYU» Angliya premyer-ligasining ushbu mavsumida jadvalda 6-o‘rinni egallab turibdi. Mankunianliklar 16 dekabr, yakshanba kuni safarda «Liverpul»ga qarshi maydonga chiqadilar.