«Beshiktosh» hujumchisi Pepe erkin agentga aylandi, deya xabar tarqatdi Fotomac nashri.

Manbaga ko‘ra, klub va futbolchi o‘zaro kelishgan holda shartnomani bekor qilishdi. Pepening «Beshiktosh»dagi yillik maoshi 4,75 mln. yevroga teng edi. U jamoadoshlari bilan xayrlashib, jamoani tark etdi.

Ma’lumotlarga qaraganda, 35 yoshli portugalyailik futbolchi o‘ziga yangi jamoa topgan. Yaqin 2 kun ichida uning yangi jamoasi nomi e’lon qilinishi kutilmoqda. Avvalroq Pepe bilan «Vulverxempton» klubi qiziqish bildirgani haqida xabarlar tarqalgandi.


Pepe 10 yil davomida «Real»da faoliyat olib borib, 2017 yilda «Beshiktosh»ga o‘tgandi. U "Qirollik klubi" safida 3 martadan Ispaniya chempionligi va Yevropa chempionlar ligasi g‘olibiga aylandi. Shuningdek, Portugaliya terma jamoasi safida Yevro-2016da g‘olib chiqqan.