«Бешиктош» ҳужумчиси Пепе эркин агентга айланди, дея хабар тарқатди Fotomac нашри.

Манбага кўра, клуб ва футболчи ўзаро келишган ҳолда шартномани бекор қилишди. Пепенинг «Бешиктош»даги йиллик маоши 4,75 млн. еврога тенг эди. У жамоадошлари билан хайрлашиб, жамоани тарк этди.

Маълумотларга қараганда, 35 ёшли португаляилик футболчи ўзига янги жамоа топган. Яқин 2 кун ичида унинг янги жамоаси номи эълон қилиниши кутилмоқда. Аввалроқ Пепе билан «Вулверхэмптон» клуби қизиқиш билдиргани ҳақида хабарлар тарқалганди.


Пепе 10 йил давомида «Реал»да фаолият олиб бориб, 2017 йилда «Бешиктош»га ўтганди. У "Қироллик клуби" сафида 3 мартадан Испания чемпионлиги ва Европа чемпионлар лигаси ғолибига айланди. Шунингдек, Португалия терма жамоаси сафида Евро-2016да ғолиб чиққан.