Дортмунднинг «Боруссия» клуби аъзоси Карим Адейеми фаолиятини Мадриднинг «Реал» клубида давом эттириши мумкин. Fichajes нашрининг хабарига кўра, «қироллик клуби» 24 ёшли футболчини ўз сафига қўшиб олиш имкониятларини кўриб чиқмоқда.
Шу билан бирга, Адейеми мадридликларнинг ўнг қанот ҳужуми учун шорт-листидаги ягона номзод эмаслиги қайд этилган. Германиялик футболчининг дортмундликлар билан амалдаги шартномаси 2027 йилнинг ёзига қадар мўлжалланган.
Маълумот учун, Адейеми жорий мавсумда барча мусобақаларда 38 та ўйинда майдонга тушиб, 10 та гол урди ва 5 та голли узатмани амалга оширди. Transfermarkt портали футболчининг трансфер қийматини 50 миллион еврога баҳоламоқда.
