Ronaldo
«Inter»safida 2000-yilda Italiya kubogi finalida Ronaldo tizzasini qayirib oladi. Afsuki, bu jarohat uni deyarli 2 yilga katta futboldan tashqarida qolishga majbur qiladi. Eng qizig‘I shundaki, u bilan hech kim to‘qnashib ketmaydi Ronaldo fint ishlatayotgan vaqtida oyog‘ini noto‘gri qo‘ygan holda yerga yiqilib ketadi. Keyinchalik bu jarohat ko‘p bor uni bezovta qiladi va iqtidorini to‘liq namoyish qilishiga to‘sqinlik qiladi.
Neymar.
2014-yilda Braziliyada bo‘lib o‘tgan mundialdagi Neymarninig ¼ finaldagi Kolumbiya termasi bilan bo‘lgan uchrashuvida olgan jarohatini yaxshi eslasangiz kerak. O‘shanda Zuniga Neymarninig ortidan bel qismiga tizzasi bilan tepgan edi. Oqibatda, Neymar umurtqa pog‘onasining lat yeyishi natijasidaMundialda boshqa maydonga tusha olmagan edi. Oqibatda, Braziliya termasi keyingi o‘yinda tarixidagi eng alamli mag‘lubiyatni Germaniyadan qabul qilib olgan edi. O‘sha mag‘lubiyat sababchisi deya haligacha Zunigadan butun Braziliya nafratlanadi.
Muhammad Saloh
Ha, albatta, gap nima haqida borishini allaqachon sezdingiz. Ramosning ishlatgan foul haqida ko‘plab bahs - munozaralar bo‘ldi va haligacha bo‘lmoqda,lekin vaziyat o‘tib ketib bo‘ldi. O‘sha mavsumni Muhammad Saloh aqlbovar qilmas darajada o‘tkazgan edi. Klopp ham jamoani uning atrofida qurgan,«Liverpul»ninig ishlash mexanizmi ko‘p jihatdan shu yigitga bog‘liq edi. Ming afsuski, CHL finalidagi Ramosninig qo‘polroq o‘yini evaziga CHL finallaridagi eng zerikarli futbol ko‘rishga majbur bo‘lgan edik. Klopp Salohsiz taktikani o‘zgartirishga majbur bo‘lgandi. «Liverpul» futbolchilari ham Salohsiz o‘zlariga o‘xshashmagandi, o‘shanda. Bu jarohat Salohni oltin to‘pdan mahrum qildi deb bemalol aytsak bo‘ladi. MayliSaloh hali yosh, uninig kelajagi oldinda deb qolamiz.
Y.U
