Karate WKF bo‘yicha O‘zbekiston terma jamoasi a’zolari muhim reyting musobaqalariga tayyorgarlik ko‘rish maqsadida Milliy paralimpiya assosiasiyasida yig‘inga kirishdilar. Ushbu o‘quv-mashg‘ulot yig‘inlari 25-27 yanvar kunlari Parij shahrida o‘tkaziladigan Premyer Liga turniriga tayyorgarlik vazifasini bajaradi. Qayd etish lozimki, 2019 yil davomida Tokio 2020 Olimpiadasi lisenziyasi uchun reyting musobaqalari o‘tkaziladi.
Terma jamoamiz o‘quv mashg‘ulot yig‘inlarida quyidagi tarkibda ishtirok etmoqda:
-60 kg: Sadriddin Saymatov
-67 kg: Iqboljon Uzoqov
-67 kg: Sanjar Abdukarimov
-75 kg: Dastonbek Otabolayev
-50 kg: Baxriniso Babayeva
-61 kg: Barno Mirzayeva
Murabbiylar: O‘ktam Bekpo‘latov, Dilnoza Bakirova.
Yig‘in 22 yanvarga qadar davom etadi.
