“Tottenxem” yarim himoyachisi Musa Dembele Xitoyning “Guanchjou Fuli” klubiga o‘tdi.
Ushbu transfer qanchaga baholangani sir saqlanmoqda. OAVning ma’lumotiga ko‘ra, xitoyliklar Dembele uchun 10 mln yevro to‘lagan.
Shaxsiy kelushuvlar ham hali oshkor qilinmadi. Ba’zi-bir manbalarning xabar berishicha 31 yoshli futbolchi “Guanchjou” bilan uch yillik shartnoma imzolagan va yilliga 10 mln yevro maosh oladi.
Ma’lumot o‘rnida, Dembele “Tottenxem”da2012 yildan beri o‘ynab keladi. Shu vaqt ichida, u “shporlar” safida 10 ta gol va 12 ta golga pas bergan.
