«Nottingem Forest» yarim himoyachisi Elliot Anderson «Manchester Siti» futbolchisiga aylanishi mumkin. Bu haqda TEAMtalk nashri xabar bermoqda.

Manbaning ma’lumotlariga ko‘ra, «shaharliklar» Andersonni sotib olish uchun asosiy favorit hisoblanadi. Ta’kidlanishicha, klub allaqachon futbolchining vakillari bilan bog‘langan. Futbolchining o‘zi esa hatto mavsum yakunida Xosep Gvardiola jamoani tark etgan taqdirda ham «Etixad»ga o‘tishga qarshi emas. Kelishuv summasi taxminan 91–114 million yevroni tashkil qilishi mumkin.

Joriy mavsumda 23 yoshli Anderson barcha musobaqalarda jami 33 ta o‘yinda qatnashib, bitta gol urdi va uchta golli uzatmaga mualliflik qildi.

Andersonning «Nottingem Forest» bilan amaldagi mehnat shartnomasi 2029 yilning o‘rtalarigacha mo‘ljallangan.