«Ноттингем Форест» ярим ҳимоячиси Эллиот Андерсон «Манчестер Сити» футболчисига айланиши мумкин. Бу ҳақда TEAMtalk нашри хабар бермоқда.
Манбанинг маълумотларига кўра, «шаҳарликлар» Андерсонни сотиб олиш учун асосий фаворит ҳисобланади. Таъкидланишича, клуб аллақачон футболчининг вакиллари билан боғланган. Футболчининг ўзи эса ҳатто мавсум якунида Хосеп Гвардиола жамоани тарк этган тақдирда ҳам «Этихад»га ўтишга қарши эмас. Келишув суммаси тахминан 91–114 миллион еврони ташкил қилиши мумкин.
Жорий мавсумда 23 ёшли Андерсон барча мусобақаларда жами 33 та ўйинда қатнашиб, битта гол урди ва учта голли узатмага муаллифлик қилди.
Андерсоннинг «Ноттингем Форест» билан амалдаги меҳнат шартномаси 2029 йилнинг ўрталаригача мўлжалланган.
