«Barselona» «Manchester Siti» bilan yarim himoyachi Rodri Ernandesning transferi bo‘yicha prinsipial kelishuvga erishdi.

The Athletic nashri xabariga ko‘ra, bitimning umumiy qiymati 76,5 million yevroni tashkil etishi mumkin. Kafolatlangan to‘lov miqdori 60 million yevroni tashkil etadi. Yana 16,5 million yevro turli bonuslar sifatida ko‘zda tutilgan bo‘lib, ularning 11 milliondan ortig‘iga erishish juda oson deb hisoblanmoqda.

Shaxsiy shartnoma shartlarini kelishib olish transferga to‘sqinlik qilmaydi. «Barselona» yarim himoyachi bilan to‘rt yillik shartnoma imzolaydi. Yaqin orada bitim rasman yakunlanishi kutilmoqda.