“Тоттенхэм” ярим ҳимоячиси Муса Дембеле Хитойнинг “Гуанчжоу Фули” клубига ўтди.
Ушбу трансфер қанчага баҳолангани сир сақланмоқда. ОАВнинг маълумотига кўра, хитойликлар Дембеле учун 10 млн евро тўлаган.
Шахсий келушувлар ҳам ҳали ошкор қилинмади. Баъзи-бир манбаларнинг хабар беришича 31 ёшли футболчи “Гуанчжоу” билан уч йиллик шартнома имзолаган ва йиллига 10 млн евро маош олади.
Маълумот ўрнида, Дембеле “Тоттенхэм”да2012 йилдан бери ўйнаб келади. Шу вақт ичида, у “шпорлар” сафида 10 та гол ва 12 та голга пас берган.
