"Челси"нинг аргентиналик вингери Алехандро Гарначо фаолиятини Италия А Сериясида давом эттирмоқчи.
Topskills Sports UK хабарига кўра, "Челси" 21 ёшли футболчидан ёзги трансферлар даврида қутулмоқчи. Таъкидланишича, Гарначога иккита асосий даъвогар бор - "Милан" ва "Интер." Ўйинчининг ўзи "нерадзуррилар" қароргоҳига ўтиш вариантини афзал кўради.
Жорий мавсумда Гарначо барча мусобақаларда 29 та ўйинда майдонга тушиб, 6 та гол урди ва 3 та голли узатмага муаллифлик қилди.
Футболчининг "Челси" билан шартномаси 2032 йилгача мўлжалланган. Transfermarkt экспертлари унинг нархини 45 миллион еврога баҳоламоқда.













