«Манчестер Юнайтед»дан ижарага олинган Маркус Рэшфорднинг «Барселона»даги келажаги номаълумлигича қолмоқда. Каталония гранди англиялик футболчини 30 миллион евро эвазига сотиб олиш ҳуқуқига эга, бироқ клубнинг ҳозирги молиявий ҳолати бу маблағни ажратишда қийинчилик туғдириши мумкин.
Transfer News Live нашрининг El Nacionalга таяниб хабар беришича, мавжуд молиявий муаммолар «Барселона»ни кутилмаган қарорга мажбур қилиши мумкин: клуб Рэшфордни сотиб олиб, уни дарҳол бошқа жамоага қайта сотиб юборишни режалаштирмоқда. Айрим номи ошкор этилмаган клублар 28 ёшли футболчи учун юқорида қайд этилган суммадан икки баравар кўпроқ ҳақ тўлашга тайёр. Бундай келишув «кўк-анорранглилар» учун иқтисодий жиҳатдан ўта манфаатли ҳисобланади.
Жорий мавсумда Маркус Рэшфорд Ханс-Дитер Флик бошчилигидаги жамоа сафида 34 та учрашувда майдонга тушиб, 10 та гол ва 13 та голли узатмага муаллифлик қилди.
