«Барселона» клубининг янги аъзоси Жоау Канселу ҳозирча жамоа бош мураббийи Ханс-Дитер Фликда ижобий таассурот қолдира олмаяпти.
Каталония гранди қишки трансфер ойнаси вақтида қанот ҳимоячисини Саудия Арабистонининг «Ал-Ҳилол» клубидан ижарага олган эди. Журналист Хуан Хименеснинг хабар беришича, португалиялик футболчи «кўк-анорранглилар» устозининг кутилмаларини оқламаяпти. Фликнинг «Жирона»га қарши баҳсда Жоау Канселу эмас, балки Жерар Мартинни майдонга тушириш ҳақидаги қарори немис мутахассиси 31 ёшли латералга унчалик ишонмаётганининг яна бир тасдиғи бўлди.
Эслатиб ўтамиз, Жоау Канселунинг ижара шартномаси мавсум якунига қадар мўлжалланган. Футболчи аввалроқ, 2023/24 йилги мавсумда ҳам «Барселона» шарафини ҳимоя қилган эди — ўшанда у «Манчестер Сити»дан ижарага олинганди.
