«Барселона» клуби сўнгги учрашувлардаги пасайишнинг асосий сабаби нимада эканлигини аниқлади.

«Кўк-анорранглилар» Испания Кубоги ярим финалининг дастлабки баҳсида Мадридда «Атлетико»дан йирик ҳисобда (0:4) мағлуб бўлишди, сўнгра каталония дербисида «Жирона»га имкониятни бой беришди (1:2). Diario Sport нашрининг хабар беришича, бош мураббий Ханс-Дитер Флик ва жамоа футболчилари ягона фикрга келишган: ҳимоя чизиғининг юқорида жойлашиши муваффақиятсизликларнинг асл сабаби эмас.

Асосий муаммо — прессинг вақтида концентрациянинг етишмаслиги ва ўйин шиддатининг (интенсивлик) пастлигида. Бундай тактик ёндашувда мазкур хатоларнинг оқибати жамоа учун ҳалокатли бўлмоқда. Айнан шу сабабли каталонияликларнинг одатий ўйин тизими сўнгги вақтларда ҳаддан ташқари заиф кўринмоқда.

Эслатиб ўтамиз, якшанба куни «Барселона» Ла Лига доирасида ўз майдонида «Леванте»га қарши баҳс олиб боради.